«Այբ» դպրոցի բարձրագույն կառավարման մարմինը հոգաբարձուների խորհուրդն է։ Կառավարման այս ձևաչափը երաշխավորում է կառավարման փոխանցելիություն, թափանցիկություն և մասնակցայնություն։ ՀԽ կազմում ներկայացուցիչներ ունեն ուսուցիչների և շրջանավարտների համայնքները։
ՀԽ-ում ներգրավված են մարդիկ, որոնք անշահախնդրորեն իրենց ժամանակը, գիտելիքն ու փորձը ներդրել են ապագան կրթությամբ վերափոխելու այբական առաքելության իրագործման մեջ։
Ստորև կարող եք ծանոթանալ ՀԽ ձևավորման մասին նյութերին ՝
«Այբ» կրթական հանգույց» հիմնադրամի հոգաբարձուների խորհրդի ձևավորման կարգ
«Այբ» դպրոցի ՀԽ կողմից վավերացված «էթիկայի վերաբերյալ առաջարկներին»
ՀԽ ձևավորման գործընթացի համառոտ նկարագրություն
Եթե հետաքրքրված եք ՀԽ ձևավորման գործընթացով և չեք ստացել էլեկտրոնային ծանուցում Ձեր էլ. փոստի հասցեին, ապա խնդրում ենք կապ հաստատել մեզ հետ BoT_elections@aybschool.am էլ. փոստի հասցեով և տրամադրել այն հասցեն, որին կուզենաք ստանալ հետագա թարմացումները
Հոգաբարձուների նոր ձևավորված խորհուրդը կգործի երկամյա ժամկետում:
«Այբ» դպրոցը ոչ առևտրային կազմակերպություն է և գործում է հիմնադրամի կարգավիճակով (իրավաբանորեն գրանցված է որպես «Այբ կրթական հանգույց» հիմնադրամ): Դպրոցը կառավարվում է հոգաբարձուների խորհրդի կողմից: «Այբ»-ը չունի սեփականատերեր և բաժնետերեր:
«Այբ» ավագ դպրոցը ոչ պետական ոլորտում առաջին սոցիալական ծրագիրն է Հայաստանում, և աշակերտների 75%-ից ավելին ամեն տարի ստանում է կրթավճար: «Այբ»-ի կրթավճարային համակարգը թույլ է տալիս երեխաներին սովորել ավագ դպրոցում՝ ընտանիքի ֆինանսական հնարավորությունից անկախ։
Կիսվել